Lavurs
Els exequeschan suandantas lavurs:
Planisar simpels projects
- cussegliar la clientella en connex cun pachetadis, p.ex. per l'emballadi da mangiativas, stgatlas da parfum u pachetadis da medicaments
- sviluppar e producir ils pachetadis ed als controllar permanentamain
- elavurar basas per la calculaziun d'emballadis
Sviluppar emballadis
- definir la furma ed il material da l'emballadi tenor ils giavischs da la clientella
- far dissegns tecnics, prototips e musters sco era realisar serias da test
- coordinar las lavurs cun auters manaschis
Producir emballadis
- controllar ils documents d'incumbensa ed ils materials
- endrizzar las maschinas da producziun
- survegliar e documentar la producziun
- mantegnair ils indrizs e las maschinas per la producziun
- garantir la segirezza da lavur e las mesiras per la protecziun da sanadad ed ambient durant la producziun
Scolaziun
Basa legala
Ordinaziun federala 9-8-2021
Durada
4 onns
Furmaziun en la pratica
En in manaschi da l'industria d'emballadi
Furmaziun en scola
1 di per emna
Roms professiunals
Planisaziun da simpels projects, svilup da stgatlas, svilup d’emballadis, producir stgatlas ed emballadis
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "tecnolog / tecnologa d’emballadi AFQ"
Premissas
Furmaziun preliminara
- temp da scola obligatoric terminà
- bunas prestaziuns en dissegn tecnic, geometria ed informatica è d’avantatg
Pretensiuns
- buna imaginaziun en il spazi
- enclegientscha tecnica
- pensar logic
- senn per furmas e colurs
- moda da lavurar exacta
- inschign manual
- abilitad d’avair la survista dals pass da lavur
Furmaziun supplementara
Curs
purschidas da scolas professiunalas ed associaziuns professiunalas
Examen professiunal (EP)
spezialist / spezialista da manaschi tecnologia da squitsch e d’emballadi cun certificat professiunal federal
Examen professiunal superiur (EPS)
packing manager / packing managera cun diplom federal
Scola spezialisada superiura (SSS)
tecnicist / tecnicista dipl. SSS medias, creader / creadra dipl. SSS design da product
Scola auta spezialisada
cun furmaziun preliminara correspundenta
- en Svizra: p.ex. Bachelor of Science (SAS) en inschigneria da medias, Bachelor of Arts (SAS) en design da product ed industria
-
en Germania:
Bachelor of Engineering en tecnica d’emballadi, Master of Engineering in Packaging Technology (studi da cooperaziun Svizra - Germania)
Cundiziuns da lavur
Tecnologs e tecnologas d’emballadi lavuran en manaschis industrials da svilup e producziun d'emballadi. Els èn conresponsabels per l’observaziun da las autas pretensiuns da la tecnica d’emballadi pertutgant qualitad, protecziun da l’ambient, segirezza ed igiena. Els èn plinavant abels da supportar squitsch, cunquai ch’els ston quintar da far lavur en squadra (lavur baud la damaun u la saira).
Ulteriuras infurmaziuns
IGB Interessengemeinschaft Berufsbildung
3006 Bern
Tel: +41 31 356 14 53
URL: www.verpackungstechnologe.ch
Verband der Schweizer Druckindustrie VSD
3006 Bern
Tel: +41 31 351 15 11
URL: www.vsd.ch
Schule für Gestaltung Aargau
5000 Aarau
Tel: +41 62 834 40 40
URL: www.sfgaargau.ch