Lavurs
Els exequeschan suandantas lavurs:
Preparar e planisar la producziun
- eleger material per l'elavuraziun
- coordinar las incaricas ed ils process cun auters manaschis e cun ils collavuraturs
- communitgar cun la clientella
- garantir la segirezza da la lavur, las mesiras da la protecziun da sanadad e da l'ambient
Exequir incaricas
- planisar, diriger e controllar la procedura da la lavur
- producir ord artgas da palpiri stampadas products sco gasettas, illustradas cudeschs, plans, prospects e chalenders
- tagliar e faudar il palpiri, embustir broschuras ed elavurar gasettas
- elavurar cuvertas da cudeschs u enveloppas da broschuras, aschentar elements agiuntads a blocs da cudeschs u broschuras
- liar ils products da stampa a maun, mez automatic u cumplainamain automatic
Mantegnair las maschinas
- mantegnair las maschinas da la finiziun da stampads
- enconuscher disturbis e tscherner mesiras per als eliminar
Scolaziun
Basa legala
Ordinaziun federala 14-07-2021
Durada
4 onns
Accents
- industria
- artisanadi
Furmaziun en la pratica
En ina stamparia, en in manaschi da la finiziun dals stampads u en ina liaria
Furmaziun en scola
En media 1½ dis l'emna (2 dis en il 1.onn d'emprendissadi, 1 ½ di en il segund onn d'emprendissadi, 1 di en il 3. e 4. onn d'emprendissadi)
Roms professiunals
Realisaziun da mesiras accumpagnantas a la producziun, exequir incaricas da la finiziun da stampads, duvrar durant il process da producziun tecnicas da la finiziun da stampads, mantegnair las maschinas da la finiziun da stampads
Curs ordaifer il manaschi
Emprender ed exercitar las basas professiunalas a moda pratica
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "Tecnolog / tecnologa da liar AFQ"
Premissas
Furmaziun preliminara
- Temp da scola obligatoric terminà
Pretensiuns
- chapientscha da la tecnica, plaschair da duvrar maschinas cumplexas
- bun dun d'imaginaziun e pensar logic
- moda da lavurar precisa e netta
- tip independent e senn per responsabladad
- plaschair da lavurar en in team
- nagina sensibladad da canera
- inschign manual (accent artisanadi)
Furmaziun supplementara
Curs
purschidas d'associaziuns e scolas spezialisadas e professiunalas, sco p.ex. Centro del bel libro ad Ascona
Examen professiunal (EP)
p.ex. commerziant da tipografia cun certificat professiunal federal, spezialista per medias stampadas cun certificat professiunal federal
Examen professiunal superiur (EPS)
p.ex. manager da publicaziuns cun diplom federal, manadra da fatschenta cun diplom federal
Scola spezialisada superiura (SSS)
p.ex. tecnicist dipl. SSS medias
Scola auta spezialisada (SAS)
Bachelor of Science (SAS) en inschigneria da medias; champ liaria da cudeschs: Bachelor / Master of Arts (SAS) en conservaziun / restauraziun cun approfundaziun Graphic, Books and Photographic Objects
Cundiziuns da lavur
Operaturs da medias stampadas lavuran en stamparias, en manaschis da la finiziun dals stampads u en ina liaria. En la finiziun dals stampads vegn il dumber da las plazzas d'emprendissadi a crescher ils proxims onns. Dumandadas sin il martgà da lavur èn persunas flexiblas che pon reagir sin svilups tecnics e ch'èn prontas da surpigliar responsabladad.
Ulteriuras infurmaziuns
viscom – Verband der Print- und Medienindustrie
Weihermattstrasse 94
5000 Aarau
Tel:+41 58 225 55 00
URL: www.viscom.ch