Lavurs
Lur lavurs èn las suandantas:
Preparar las incumbensas
- prender encunter las incumbensas e controllar las datas stampadas
- eleger il material, p.ex. palpiri, chartun u rollas da palpiri
Accent stampa
- fixar la quantitad da palpiri
- maschadar las tintas
- configurar maschinas da stampar, p.ex. emplenir palpiri u colur
- far la serigrafia, p.ex. a maun, en moda mez automatica u automatica
- nettegiar, preparar e collar tailas
- far stampats d'emprova
- cumenzar e survegliar process da stampa ed intervegnir en cas da problems
Accent elavuraziun supplementara e producziun da pachetadis
- preparar maschinas da tagliar e maschinas da faudar
- producir e controllar musters
- cumenzar e survegliar la producziun
- identifitgar ed annunziar problems
- liar, tagliar, metter ensemen e pachetar products
Accent tecnica da reclama
- producir products da reclama, p.ex. tavlas da reclama u tatgaders per l'auto
- controllar musters
- survegliar la producziun
- identifitgar ed annunziar disturbis e problems
- munir objects cun reclama, p.ex. autos u vitrinas
Far lavurs administrativas
- scriver rapports da lavur, p.ex. cun ediziun u cun dumber da products stampads
- administrar magasins, p.ex. quantitad da palpiri, da chartun u da colurs da stampa
- nettegiar ils apparats
Scolaziun
Durada
2 onns
Direcziuns
- elavuraziun ulteriura e producziun da pachetadis
- tecnica da reclama
Furmaziun en la pratica
en in manaschi grafic che porscha la scolaziun d'accent
Furmaziun en scola
1 di per emna en la scola professiunala spezialisada
Furmaziun da scola a temp cumplain
- Albisbrunn, Hausen am Albis (ZH)
Roms professiunals
- preparar ed elavurar posteriuramain incumbensas
- producir stampats
- elavurar vinavant products stampads e producir pachetadis
- producir products tecnics da reclama
- nettegiar e mantegnair l'infrastructura dal manaschi
Curs ordaifer il manaschi
emprender, approfundar ed exercitar las basas professiunalas, 4 dis durant 2 onns
Diplom
Practicist / Practicista da medias stampadas AFP
Premissas
Furmaziun preliminara
- terminà la scola obligatorica
- inscripziun sur dossier è pussaivla
Pretensiuns
- plaschair da lavurar cun maschinas
- chapientscha tecnica
- inschign pratic
- abilitad da lavurar en il team
- naginas allergias cunter dissolvents e colurs
- buna constituziun fisica e forza corporala, p.ex. per auzar chargias u per lavurar en pe
Furmaziun supplementara
Curs
purschidas da scolas spezialisadas e da scolas professiunalas spezialisadas e da www.dpsuisse.ch.
Emprendissadi supplementar
Practicistas e practicists da medias stampadas AFP pon per regla far in emprendissadi scursanì sco tecnologa u tecnolog da liar AFQ, equipadra u equipader da stampa AFQ, creadra u creader da publicitad AFQ, tecnologa u tecnolog da medias AFQ ubain tipografa u tipograf d'emballadi AFQ.
Suenter pon vegnir absolvidas las medemas furmaziuns supplementaras sco per las furmaziuns da basa respectivas cun AFQ.
Cundiziuns da lavur
Practicistas e practicists da medias stampadas lavuran en lavuratoris u en stamparias. Ellas ed els gidan ils tipografs d'emballadi, las creadras da tecnica da publicitad, ils tecnologs da liar, las tecnologas da medias u ils equipaders da stampa tar lur lavur. Las persunas da questa professiun ston pudair supportar canera da maschinas ed esser corporalmain fittas. Lavur da notg è pussaivla.
Practicistas e practicists da medias stampadas chattan plazzas en manaschis da stampa, da serigrafia u da tecnica da publicitad. Las persunas da questa professiun lavuran cun maschinas cumplexas, che dovran curs spezials.
Ulteriuras infurmaziuns
Uffizi paritetic da furmaziun professiunala per la communicaziun visuala UPF
5000 Aarau
URL: www.dpsuisse.ch