Lavurs
Tut tenor manaschi exequeschan els suandantas lavurs:
Preparar spisas
- preparar salatas, sosas da salata, avantpasts fraids u coctails
- cuschinar garnituras sco pastas, ris u tartuffels
- brassar charn, grillar giaglinom u frittar pesch
- preparar desserts sco salatas da fritga, cremas e turtas
- garnir las tratgas tenor las directivas dal manaschi
- lavurar tenor las instrucziuns da lur superiurs e las realisar
- savair tge moda da preparaziun che va a prà il meglier tar las singulas verduras, la charn u il pesch specific
- savair tge padellas che vegnan duvradas
Tegnair schuber il plaz da lavur
- nettegiar ils cuntels, las planettas, las padellas, ils apparats e las maschinas e far urden
- conservar ils aliments a moda igienica
- resguardar las prescripziuns davart la segirezza da la lavur e la protecziun da la sanadad
Scolaziun
Basa legala
Ordinaziun federala 7-12-2004 (stadi dals 1-1-2018)
Durada
2 onns
Furmaziun en la pratica
En in restaurant, hotel, restaurant da persunal, ospital u ina chasa da tgira (almain 35 emnas l'onn)
Furmaziun en scola
1 di l'emna a la scola professiunala
Roms professiunals
- enconuschientscha aliments,
- enconuschientschas da cuschinar,
- quints dal rom,
- scienza dal nutriment,
- instrucziun da menus,
- instrucziun da manaschi
Curs ordaifer il manaschi
Davart ils temas: cuschina fraida e desserts; schuppas, verdura e garnitura; tratgas d’ovs e da chaschiel; tratgas da peschs, fonds, sosas e variantas; charn, tratgas da giaglinom e sosas
Diplom
Attest federal professiunal «Gidanter / Gidantra da cuschina AFP»
Premissas
Furmaziun preliminara
- temp da scola obligatoric terminà
Pretensiuns
- bun gust e bun nas
- mauns inschignaivels
- bun dun d’organisar
- abilitad da lavurar en in team
- plain fantasia
- conscienza da l’igiena
- buna sanadad
- abilitad da lavurar sut squitsch
Furmaziun supplementara
Curs
purschidas da las associaziuns professiunalas
Cuschinier / Cuschiniera AFQ
Gidanters da cuschina cun attest federal professiunal (AFP) pon frequentar ina furmaziun da basa scursanida sco cuschinier/a AFQ (access al segund onn da la furmaziun da basa).
Suenter han els las medemas pussaivladads da furmaziun supplementara sco cuschiniers/ras AFQ.
Suenter han els las medemas pussaivladads da furmaziun supplementara sco cuschiniers / cuschinieras AFQ (vesair p.ex. www.berufehotelgastro.ch).
Cundiziuns da lavur
Gidanters da cuschina lavuran en restaurants u en cuschinas da hotels, firmas, chasas da tgira u ospitals. Els han savens temps da lavur malregulads e lavuran era la saira, las fins d’emna e firads. Tgi che tschertga ina plazza d’emprendissadi duess er esser pront da lavurar en ina regiun rurala. L’intermediaziun da fufragnadis e plazzas d’emprendissadi da la branscha (www.berufehotelgastro.ch) gida persunas interessadas da tschertgar purschidas en tuttas regiuns linguisticas da la Svizra. Gidanters da cuschina motivads e flexibels han bunas schanzas da chattar ina plazza suenter l’emprendissadi.
Ulteriuras infurmaziuns
GastroSuisse
Verband für Hotellerie und Restauration
Blumenfeldstr. 20
8046 Zürich
Tel: +41 848 377 111
URL: www.gastrosuisse.ch
hotelleriesuisse
Monbijoustr. 130
3001 Berna
Tel: +41 31 370 42 83
URL: www.berufehotelgastro.ch