Lavurs
Els exequeschan suandantas lavurs:
Preparaziun:
- retrair datas existentas per las inscripziuns dal client ed adattar quellas p. ex. sin ina nova vitrina u nov vehichel cun agid d'in program da creaziun
- retrair novas datas per l'inscripziun da las clientas u da las agenturas e controllar schebain la reclama possia vegnir realisada cun la tecnica planisada sin l'object giavischà
- examinar ensemen cun il client u l'agentura ils layouts e discutar alternativas sch'i fa basegns
- far in'offerta per il product tschertgà resguardond il temp da lavur e la quantitad dal material ch'i dovra
- producir in muster u in prototip sin giavisch
Realisaziun:
- surpigliar graficas da clientas u da l'agentura e midar quellas en datas utilisablas per la producziun
- preparar materias primas per l'elavuraziun ulteriura
- producir las inscripziuns cun agid da differentas tecnicas (tagliar las folias, squitschar scrittiras e logos cun in plotter, squitschar maletgs digitalmain, confecziunar blatgas e.a.)
- preparaziun da las inscripziuns per la montascha
- metter a disposiziun material da montascha, pachetar products e preparar quels per la spediziun per posta u cun il curier
Montascha:
- montar il product creà en l'atgna firma u al lieu tar il client
- duvrar differentas tecnicas da lavur (squitsch digitals e tatgar scrittiras, metter si folia parzialmain u cumplettamain ad autos, surtrair folias per la protecziun da vesida u da sulegl, montar tavlas da construcziun, fermar blatgas da reclamas ed etica da signals, allontanar folias existentas e.a.)
Scolaziun
Basa legala
Ordinaziun federala 1-10-2014 (stan 1-1-2018)
Durada
4 onns
Furmaziun en la pratica
En in atelier per tecnica da reclama
Furmaziun en scola
En media 1½ di per emna a la scola professiunala (2 dis/emna durant il 1. onn ed il 2. onn d’emprendissadi, 1 di/emna davent dal 3.onn d’emprendissadi)
Roms professiunals
- concepziun e cussegliaziun
- creaziun
- preparaziun da la lavur, tecnica da reclama, montascha
- preparaziun per la stampa
- segirezza da la lavur, protecziun da la sanadad e da l’ambient
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "creader / creadra da reclama AFQ"
Premissas
Furmaziun preliminara
- scola populara terminada cun pretensiuns mesaunas u autas
Pretensiuns
- inschign manual
- flair creativ
- chapientscha tecnica
- bunas enconuschientschas da l’ortografia
- senn estetic e creativitad
- moda da lavur exacta
- buna sanadad e movibilitad corporala
- senza sturnizi
- abilitad da lavurar en ina gruppa
Furmaziun supplementara
Curs
purschidas da scolas professiunalas e scolas per creaziun, d’associaziuns professiunalas, en spezial l’associaziun Werbetechnik + Print
Examen professiunal (EP)
p. ex. creader / creadra en l’artisanat cun certificat professiunal federal
Examen professiunal superiur (EPS)
tecnicist / tecnicista da reclama DF, manager / managera da publicaziun DF
Scola spezialisada superiura (SSS)
curs da furmaziun en champs spezials parentads, p. ex. creader / creadra dipl. SSS da design da communicaziun u designer / designra da colurs dipl. SSS
Scola auta spezialisada (SAS)
roms da studi en champs spezials parentads, p. ex. Bachelor of Arts (SAS) en communicaziun visuala. Tut tenor scola auta spezialisada valan differentas cundiziuns d'admissiun.
Cundiziuns da lavur
Creaders da reclama lavuran en ateliers per tecnica da reclama u en manaschis parentads. Per regla lavuran els en in pitschen team.
Ulteriuras infurmaziuns
Verband Werbetechnik + Print
Geschäftsstelle VWP
Werdenstr. 70
9472 Grabs
Tel: +41 81 750 35 88
URL: www.v-w-p.ch