Lavurs
Lur lavurs èn las suandantas:
Preparar las incumbensas
- resguardar ils giavischs da la clientella e l'interpresa da l'incumbensader, p.ex. il tip dal product, il lieu da l'installaziun u la stagiun
- retschertgar davart trends da moda, davart il gust da la clientella ed il stil adattà per crear in'atmosfera optimala per il product u per il servetsch
- dissegnar plans en 2D u 3D cun agid da programs da computer ed uschia planisar il project
- determinar materials e l'illuminaziun adattada, p.ex. lain, materias sinteticas u textilias
- eruir custs e far preventivs
- fixar ils termins e la realisaziun da las decoraziuns, tranter auter adattar las surfatschas d'exposiziun e procurar per las signalisaziuns necessarias
- empustar il material necessari
Realisar incumbensas
- coordinar las lavurs cun lainarias e lainaris, picturas ed electroinstallaturs
- resgiar lain, metal, materia sintetica e chartun, tagliar, malegiar, tapezar, fixar e cuser
- producir numers d'immatriculaziun, podests, posters e tatgaders
- crear reclamas al computer
- far tavlas explicativas, inscripziuns e marcaziuns
- stampar las tavlettas da pretsch
Endrizzar designs
- purtar la decoraziun a la plazza da lavur
- elavurar surfatschas sco paraids e palantschieus ed er montar curunas e tavlas
- metter en scena products e servetschs, p.ex. sin surfatschas da vendita, en secturs da reclama u tar stans
- demontar, depositar, reciclar u dismetter decoraziuns suenter exposiziuns
Scolaziun
Durada
4 onns
Accents
- creaziun
- realisaziun
- styling
Furmaziun en la pratica
en agenturas 3D, ateliers, gronds negozis, fatschentas spezialisadas u firmas da construcziun da fiera
Furmaziun en scola
1½ dis per emna en la scola professiunala spezialisada
Furmaziun da scola a temp cumplain
Dapli infurmaziuns: berufsberatung.ch/schulen
Roms professiunals
- elavurar e vender in concept creativ tridimensiunal
- planisar e preparar in project creativ tridimensiunal
- realisar in project creativ tridimensiunal
- concepir ed inscenar products
Curs ordaifer il manaschi
emprender, approfundar ed exercitar las basas professiunalas, 15 dis durant 4 onns
Maturitad professiunala
sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala
Diplom
Polidesigner / Polidesignra 3D AFQ
Premissas
Furmaziun preliminara
- terminà la scola obligatorica
Pretensiuns
- inschign manual
- creativitad, fantasia, talent d'improvisaziun
- moda da lavurar independenta
- talent da dissegnar e da concepir
- imaginaziun tridimensiunala surproporziunala
- senn per colurs e per furmas
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da la Swiss Association Polydesign 3D, www.polydesign3d.ch
Examen professiunal (EP)
p.ex. creadra u creader d'artisanadi cun certificat professiunal federal ubain colurista u colurist cun certificat professiunal federal.
Scola spezialisada superiura (SSS)
studis en roms parentads, p.ex.:
• Designer / Designra da products dipl. SSS
• Artist figurativ / Artista figurativa dipl. SSS
• Designer / Designra da communicaziun dipl. SSS
Scola auta spezialisada (SAS)
studis en secturs parentads, p.ex. bachelor of arts en architectura interna, design da products e design industrial u communicaziun visuala Tut tenor la scola auta spezialisada valan differentas cundiziuns d'admissiun.
Cundiziuns da lavur
Polidesignras e polidesigners 3D lavuran en negozis, agenturas da decoraziun, museums u interpresas da servetschs. Ellas ed els lavuran savens ensemen cun cineastas, architects u designras. Areguard termins, pon las persunas da questa professiun esser exponidas a stress.
Polidesignras e polidesigners 3D chattan savens plazzas en gronds negozis. Cun in pau experientscha professiunala pon ellas ed els lavurar sco persunas responsablas per la decoraziun da vitrinas e d'interiurs, sco manadras da la coordinaziun da la lavur u sco manaders da la cumpra. Las persunas da questa professiun pon sa far independentas cun agenturas da decoraziun, sch'ellas han avunda enconuschientschas da management. La concurrenza en la branscha è numnadamain vaira gronda.
Ulteriuras infurmaziuns
Swiss Association Polydesign 3D
8000 Turitg
URL: www.polydesign3d.ch