Lavurs
Construir plans da lavur e preparar la tocca da construcziun
- realisar sin fundament da plans dissegns e plans da lavur per silsuenter construir models d’edifizis singuls u parts d’edifizis, da surbajegiadas e vitgs cumplets, da vias e punts, da parcs e da secturs da terren confurm a la scala
- elavurar materialias (lain, metal, gip, materia sintetica, chartun u corc) cun guaffens e maschinas: resgias circularas, resgias finas circularas, maschinas da mular circularas u fresas CNC
Montar la tocca da construcziun e realisar ils models
- colliar las singulas parts cun colla, struvas u cun lutegiar
- cuvrir ils models cun massa da spategliar, cun material da springir sco era ulteriur material natiral
- colurar ils models cun penels u cun pistolas da squittar
- tut tenor giavisch agiuntar figuras, mobiglias, plantas e chaglias ch’els han fatg sezs
exequir lavurs d'administraziun
- far offertas per ils models
Scolaziun
Basa legala
Ordinaziun federala 27-7-2016 (versiun dal 1.1.2018)
Durada
4 onns
Furmaziun en la pratica
En in manaschi che construescha models architectonics
Furmaziun en scola
1 di per emna a la scola professiunala
Roms professiunals
- enconuschientschas da material
- enconuschientschas da guaffens e maschinas
- enconuschientscha dal rom e tecnica da construcziun da models
- enconuschientscha dal stil architectonic
- matematica dal rom
- informatica generala
- dissegnar
- furma e colurs
Curs ordaifer il manaschi
Emprender ed exercitar pratic da la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "construider / construidra da models architectonics AFQ"
Premissas
Furmaziun preliminara
- scola populara terminada
- bunas prestaziuns en matematica, dissegn e zambregiar
- evtl. curs preliminar ad ina scola d’art applitgà
Pretensiuns
- buna motorica fina
- bun inschign manual
- abilitad d’imaginaziun spaziala
- dun da dissegnar
- patratgar abstract-logic
- senn per furmas e colurs
- moda da lavurar exacta
- pazienza e perseveranza
- abilitad da lavurar en in team
- talent d’organisar
Furmaziun supplementara
Curs
purschidas da scolas autas spezialisadas, da scolas professiunalas sco era da l’Associaziun construcziun da models architectonics VAM
Scola spezialisada superiura (SSS)
curs da furmaziun en domenas professiunalas parentadas, p.ex. tecnicist diplomà SSS / tecnicista diplomada SSS architectura interna, tecnicist diplomà / tecnicista diplomada SSS en coluraziun d’architectura u creader grafic / creadra grafica SSS design industrial
Scola auta spezialisada (SAS)
studis en direcziuns parentadas, p.ex. Bachelor of Science (SAS) en architectura, Bachelor of Arts (SAS) en design da product e design industrial, Bachelor of Science (SAS) en planisaziun dal territori. Tut tenor scola auta professiunala valan autras cundiziuns d'admissiun.
Cundiziuns da lavur
Construiders da models architectonics lavuran en manaschis che construeschan models architectonics. En general èn quai pitschnas fatschentas cun in fin dudesch collavuraturs. Manaschis che construeschan models architectonics èn darar integrads en in biro d’architectura.
La situaziun sin il martgà da lavur è difficila per ils construiders da models architectonics da professiun. La dumonda suenter manaschis che porschan construcziuns da models architectonics è pitschna ed ella dependa da la conjunctura da l’industria da construcziun. Blers construiders da models architectonics lavuran suenter in temp en professiuns parentadas.
La concurrenza per plazzas d’emprendissadi en questa branscha è gronda. La purschida da plazzas d’emprendissadi è magra.
Ulteriuras infurmaziuns
VAM Verband Architektur- Modellbau
Sekretariat
Im Raindörfli 23
8038 Zürich
Tel: +41 44 482 18 52
URL: www.architektur-modellbau.ch