Lavurs
Els exequeschan suandantas lavurs:
Preparar la lavur
- leger e chapir plans
- far la planisaziun da la lavur e dal material
- preparar il plazzal, metter a disposiziun e deponer material, vehichels e maschinas
- giuditgar ils privel, installar barricadas, metter si tavlas ed interprender ulteriuras mesiras da segirezza, endrizzar l'illuminaziun per las lavurs da notg
- preparar las lavurs da fundament cun exchavaturs ed autras maschinas da construcziun, chavar material, nivellar malgulivezzas, segirar scarpas
- tschentar bischens da drenascha e lingias industrialas e betunar ils fundaments
Montascha da binaris
- stgargiar il material per la construcziun dals binaris ed al reparter
- enconuscher e savair far diever dals guaffens e da las maschinas
- derscher la glera (crappa angulara) sin il fundament e tschentar las traversas sisura
- montar ils binaris e las stgomias cun la tschaghegna, als enchastrar cun auta precisiun ed als buglir
- enconuscher e resguardar las prescripziuns da segirezza
- dismetter il rument adattà a l'ambient u al reciclar
Reparatura e tgira
- far controllas dal traject e da las stgomias, eruir il stadi dals binaris, rimnar datas cun instruments da mesirar e determinar tge binaris che ston vegnir reparads
- demontar e remplazzar material defect, emplenir chavas e reparter glera nua ch'i fa basegn
- tgirar il conturn dals binaris, tagliar plantas e chaglias, zerclar las scarpas sper ils binaris
- nettegiar las paraids e las vias dals peduns sper ils indrizs dil tren
- nettegiar e mantegnair las maschinas ed ils guaffens
Scolaziun
Basa legala
Ordinaziun federala 1-11-2013 (versiun dal 1.1.2018)
Durada
3 onns
Furmaziun en la pratica
En in manaschi da la montascha da binaris u tar viafiers publicas u privatas
Furmaziun en scola
Curs en bloc a la scola professiunala da constructurs da vias da traffic a Sursee: per ordinari 9 emnas ad onn, da quellas radund 2 emnas ad onn cun l’accent “montascha da binaris”
Roms professiunals
- organisar las lavurs e procurar per la segirezza da la lavur, per la protecziun da la sanadad e per la protecziun da l’ambient
- realisar lavurs generalas en la construcziun da vias da traffic
- realisar montaschas da binaris
Curs ordaifer il manaschi
Emprender ed exercitar las basas professiunalas en la pratica
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "montader / montadra da binaris AFQ"
Premissas
Furmaziun preliminara
- temp da scola obligatoric terminà
Pretensiuns
- inschign manual
- enclegientscha pratica
- enclegientscha tecnica
- senn da responsabladad e da segirezza
- exactadad
- abilitad da lavurar en ina gruppa
- forza corporala
- buna sanadad
Furmaziun supplementara
Curs
purschidas da scolas professiunalas e scolas spezialisadas, dal center da furmaziun Campus Sursee sco era da curs entaifer il manaschi da la montascha da binaris
Furmaziun da basa scursanida
sondader / sondadra AFQ, tschentapalantschieus industrial e da basa AFQ, sulader / suladra AFQ, construider / construidra da vias AFQ
Examen professiunal (EP)
montader da binaris-polier / montadra da binaris-poliera cun certificat federal
Examen professiunal superiur (EPS)
manader da construcziun dipl.; maistra constructura
Scola spezialisada superiura (SSS)
cun diplom SSS: tecnicist / tecnicista surveglianza da construcziun, tecnicist / tecnicista planisaziun da construcziun
Scola auta spezialisada (SAS)
Bachelor of Science (SAS) inschigneria da construcziun. Tut tenor scola auta spezialisada valan differentas cundiziuns d'admissiun.
Cundiziuns da lavur
Montaders e montadras da binaris lavuran per viafiers publicas u privatas sco er en manaschis da la construcziun da vias da traffic. Els lavuran en in team ed èn da tutta aura giuadora. Ils temps da lavur èn irregulars. Savens vegn lavurà la notg. Plazzas d’emprendissadi porschan cunzunt las viafiers, per part era manaschis da la montascha da binaris. Glieud professiunala qualifitgada è fitg tschertgada.
Ulteriuras infurmaziuns
Scola professiunala dals constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch
login furmaziun professiunala
Center d'annunzia
Riggenbachstr. 8
Chascha postala
4601 Olten
Tel: 0848 822 422
URL: www.login.org