Lavurs
Els exequeschan suandanta lavur
Preparar la lavur
- preparar il plazzal, metter a disposiziun material, vehichels e maschinas ed als deponer en la vischinanza dal plazzal
- giuditgar ils privels, montar barrieras e tavlas u autras mesiras da segirezza, endrizzar l'illuminaziun per las lavurs da notg e segirar scarpas
- preparar il fundament cun agid da chavaterras e d’autras maschinas da construcziun, auzar ora material, nivellar malgulivezzas
- tschentar lingias da drenascha u lingias industrialas e betunar ils fundaments
Lavurs da montascha da binaris
- stgargiar e reparter il material per la construcziun dals binaris tenor las indicaziuns dals superiurs
- enconuscher e savair utilisar ils guaffens e las maschinas
- derscher la glera (crappa angulara) sin il fundament e tschentar las traversas sisura
- montar ils binaris e las stgomias cun la tschaghegna, als enchastrar cun auta precisiun
- enconuscher e resguardar las prescripziuns da segirezza
- dismetter il rument adattà a l'ambient u al reciclar
Reparatura e tgira
- demontar e remplazzar material defect, emplenir chavas e reparter glera nua ch'i fa basegn
- tgirar il conturn dals binaris, tagliar plantas e chaglias, zerclar las scarpas sper ils binaris
- nettegiar las paraids e las vias dals peduns sper ils indrizs dil tren
- nettegiar e mantegnair las maschinas ed ils guaffens
Scolaziun
Basa legala
Ordinaziun federala 1-11-2013 (versiun dal 1-1-2018)
Durada
2 onns
Furmaziun en la pratica
En in manaschi da la montascha da binaris u tar viafiers publicas u privatas
Furmaziun en scola
Curs en bloc a la scola professiunala da constructurs da vias da traffic a Sursee: en tut 18 emnas, da quellas 2 emnas ad onn furmaziun cun l’accent “montascha da binaris”
Roms professiunals
- organisar las lavurs e procurar per la segirezza da la lavur, per la protecziun da la sanadad e per la protecziun da l’ambient
- realisar lavurs generalas en la construcziun da vias da traffic
- realisar montaschas da binaris
Curs ordaifer il manaschi
Emprender ed exercitar las basas professiunalas en la pratica
Diplom
Attest federal professiunal "practicist / practicista da la montascha da binaris AFP"
Premissas
Furmaziun preliminara
- temp da scola obligatoric terminà
Pretensiuns
- inschign manual
- enclegientscha pratica
- enclegientscha tecnica
- senn da responsabladad e da segirezza
- exactadad
- abilitad da lavurar en ina gruppa
- forza corporala
- buna sanadad
Furmaziun supplementara
Curs
purschidas da scolas professiunalas e scolas spezialisadas, dal center da furmaziun Campus Sursee, da la Societad svizra dals impressaris constructurs sco era curs entaifer il manaschi
Montader / Montadra da binaris AFQ
Practicists da la montascha da binaris AFP pon absolver ina furmaziun da basa scursanida sco montaders da binaris AFQ (entrada en il 2. onn da furmaziun).
Silsuenter han els las medemas pussaivladads da furmaziun supplementara sco montaders da binaris AFQ.
Cundiziuns da lavur
Practicist e practicistas da la montascha da binaris lavuran per viafiers publicas u privatas sco er en manaschis da la construcziun da binaris e vias da traffic. Els lavuran adina en in team ed èn da tutt'aura ordadora. Ils temps da lavur èn per part irregulars. Savens lavuran els durant la notg.
Ils temps da lavur èn per part irregulars. Savens lavuran els durPlazzas d’emprendissadi porschan cunzunt las viafiers, sporadicamain era manaschis da la montascha da binaris. Glieud professiunala qualifitgada è fitg tschertgada.ant la notg.
Ulteriuras infurmaziuns
Scola professiunala dals constructurs da vias da traffic
Chascha postala
6210 Sursee
Tel: +41 41 922 26 26
URL: www.verkehrswegbauer.ch
URL: www.bauberufe.ch
login furmaziun professiunala
Center d'annunzia
Riggenbachstr. 8
Chascha postala
4601 Olten
Tel: +41 848 822 422
URL: www.login.org