Lavurs
Lur lavurs èn las suandantas:
Installar la tecnica
- leger e chapir ils plans tecnics dals apparats
- planisar l'installaziun tecnica da las tribunas sco er da las localitads d'exposiziun e da fiera
- selecziunar, preparar u prender en locaziun il material e transportar tut al lieu da l'occurrenza
- endrizzar tribunas
- installar ed encablar la tecnica da tun, da glisch e da video
- endrizzar ils microfons, l'electronica, las regulaziuns, ils computers ed auters meds auxiliars
Applitgar la tecnica
- adattar la tecnica d'occurrenzas durant events, p.ex. controllar la glisch ed il tun sco er adattar las tailas per la projecziun da videos
- regular la glisch, p.ex. reflecturs, lampas spezialas u pults da glisch
- regular la tecnica da tun, p.ex. rinforzaders, pults da maschadar u autpledaders
- far ir ils apparats da video, p.ex. projecturs, cameras, players u pults da maschadar videos
- activar effects spezials, p.ex. maschinas da fim e da tschajera u indrizs da laser
- regular e transmetter registraziuns sonoras e visualas, p.ex. emissiuns da televisiun u conferenzas da video
Demontar la tecnica
- demontar e rumir ils indrizs tecnics e las tribunas, suenter che l'occurrenza è finida
- transportar davent il material
Garantir la segirezza
- enconuscher ed applitgar las prescripziuns da lavur e da segirezza che valan per las tribunas
- deponer e tgirar ils apparats tecnics confurm a l'urden
Scolaziun
Durada
4 onns
Furmaziun en la pratica
tar ina firma che organisescha occurrenzas u en in teater
Furmaziun en scola
1 fin 2 dis a la scola professiunala spezialisada a Turitg u a Losanna (VD)
Roms professiunals
- installar, endrizzar e regular la tecnica da glisch
- installar, endrizzar e regular la tecnica da tun
- registrar, transmetter e projectar videos
- endrizzar, montar, demontar e regular las construcziuns da tribunas
- elavurar, administrar e transmetter l'integraziun da medias
- valitar ed applitgar ils effects spezials
- giuditgar e realisar la tecnica da segirezza
- organisar, preparar e controllar il provediment d'energia
- planisar e realisar ils andaments da producziun
- garantir la gestiun dal material
Curs ordaifer il manaschi
emprender, approfundar ed exercitar las basas professiunalas, 38 dis durant 4 onns
Maturitad professiunala
En cas da fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Spezialist / Spezialista d’occurrenzas AFQ
Premissas
Furmaziun preliminara
- terminà la scola obligatorica
Pretensiuns
- chapientscha tecnica
- buna constituziun corporala (vesida da colurs, forza fisica, udida cumplaina)
- avair nagina tema d’autezza
- abilitad d’organisar
- gronda abilitad da lavurar en in team
- imaginaziun tridimensiunala
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da l'Associaziun svizra da las professiuns tecnicas da teater e d'occurrenzas, svtb.ch
Pirotecnicist/Pirotecnicista
curs ed examen dal Post svizzer da coordinaziun Fieu artifizial, feuerwerk-skf.ch
Examen professiunal (EP)
cun certificat professiunal federal, p.ex. Tecnicist / Tecnicista d'occurrenzas u Tecnicist / Tecnicista dal tun
Scola spezialisada superiura (SSS)
studis en roms spezialisads parentads, p.ex. Tecnicist / Tecnicista dipl. SSS en electrotecnica
Scola auta spezialisada (SAS)
studis en secturs parentads, p.ex. bachelor of science en electrotecnica. Tut tenor la scola auta spezialisada valan differentas cundiziuns d'admissiun.
Cundiziuns da lavur
Las spezialistas ed ils spezialists d'occurrenzas lavuran en pitschens teams, per exempel cun tecnicistas dal tun, cun tecnicists d'occurrenzas u cun mediamaticras. Ellas ed els èn savens en gir ad occurrenzas. Uras da lavur irregularas sco er lavur da fin d'emna e da notg sa chapeschan da sez en il manaschi da producziun e d'occurrenzas.
Las spezialistas ed ils spezialists d'occurrenzas lavuran en teaters, en localitads d'occurrenzas, tar interpresas da producziun da films e da televisiun, en studios da tun, tar organisaziuns d'events, tar firmas che construeschan stans da fiera ed en auters manaschis da la branscha d'occurrenzas. Ellas ed els pon er lavurar independentamain sco freelancers.
Ulteriuras infurmaziuns
Associaziun svizra da las professiuns tecnicas da teater e d'occurrenzas svtb-astt
URL: www.svtb.ch