Lavurs
Els exequeschan suandantas lavurs:
Crear e dar colur tocca
- picturar ed elavurar tocca per decoraziuns da tribunas, dentant era per decoraziuns en film e televisiun
- realisar picturas da prospects, da transparents e d’imitaziuns, picturar era mobiglias, palantschieus, paraids, requisits e costums
Planisar las lavurs
- planisar la pictura e las decoraziuns tenor las ideas e skizzas da decoraturs da tribuna
- lavurar en cooperaziun stretga cun auters collavuraturs dal teater sco decoraturs da tribuna, scrinaris da teater e constructurs da metal
- realisar ils sbozs en formats pli pigns
- far attenziun da resguardar las directivas davart la sanadad durant l’utilisaziun da dissolvents, meds da rarificaziun, meds d’empizzir e da bugadar ed il diever da collas ed allontanar las materialias restantas a moda adattada a l’ambient
Crear tocca da decoraziun
- realisar ils sbozs a las mesiras dal teater correspundent e transponer ils models cun agid da rasters e projecziuns en il format adequat
- far diever da numerus guaffens, apparats e maschinas per l’elavuraziun e la colliaziun da las differentas materialias
- far diever da la tecnica da picturar adequata tut tenor l’effect giavischà
- imitar la structura da la surfatscha da differentas materialias u tractar la surfatscha cun massas plasticas adattadas
- reparar e mantegnair la tocca da decoraziun ed ils elements da la construcziun da tribunas, per exempel renovar culissas veglias e prospects da tribuna cun colur frestga
- resguardar las prescripziuns davart la protecziun da l’ambient e da la sanadad e davart la segirezza da la lavur
Scolaziun
Durada
4 onns
Furmaziun en la pratica
En in teater, in’opera u en in atelier d’art
Furmaziun en scola
Curs da bloc a la Scola professiunala d'art applitgà Turitg
Roms professiunals
- istorgia da l’art e dal teater
- creaziun da picturas da teater
Curs ordaifer il manaschi
Emprender la lavur pratica, approfundar ed exercitar las basas professiunalas, 37 dis durant 4 onns.
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Pictur / Pictura da decors da teater AFQ
Premissas
Furmaziun preliminara
- terminà la scola obligatorica
- I vegn recumandà da frequentar in curs creativ preliminar en ina scola d'art applitgà
Pretensiuns
- creativitad
- senn per l’estetica
- dun da picturar ed inschign manual
- imaginaziun spaziala
- nagins disturbis da la vesida da colurs
- buna sanadad, bun dies
- avair nagina tema da lavurar en l’autezza
- naginas allergias u asma
Furmaziun supplementara
Curs
Purschidas da scolas e scolas autas da creaziun en Svizra ed a l’exteriur tar temas sco l’equipament da film, istorgia d’art, creaziun da colurs, tecnica da teater, architectura d’interiurs etc.
Emprenissadi supplementar
Picturas e picturs da decors da teater AFQ pon per regla far in emprendissadi scursanì sco polidesignra u polidesigner 3D AFQ.
Examen professiunal (EP)
Colurista cun certificat federal
Scola spezialisada superiura (SSS)
Studis en secturs parentads, p.ex. artista u artist d'art figurativ dipl. SSS ubain designra u designer da products dipl. SSS
Scola auta spezialisada (SAS)
Studis en secturs parentads, p.ex. bachelor of arts en teater, en Fine Arts u en communicaziun visuala. Tut tenor la scola auta spezialisada valan differentas cundiziuns d'admissiun.
Cundiziuns da lavur
Las picturas ed ils picturs da decors da teater lavuran en ateliers independents u en tals ch'èn affiliads ad in teater. Als lieus d'occurrenza collavuran ellas ed els stretgamain cun ils decoraturs da tribuna, cun las equipadras da locals, cun ils lainaris, cun las constructuras da metal e cun ils tecnicists d'occurrenzas. Mintgatant ston ellas ed els er lavurar durant las fins d'emna e las sairas, per ch'ils termins possian vegnir observads. Mo fitg paucs manaschis prendan emprendistas ed emprendists. Danor en ils secturs dal teater, da l'opera, dal film e da la televisiun chattan las picturas ed ils picturs da decors da teater mintgatant er lavur tar interpresas privatas u publicas, per exempel per concepir paraids, hallas d'entrada u auters locals. Per avair dapli pussaivladads sin il martgà da lavur pon ellas ed els er absolver furmaziuns supplementaras en il sectur da la decoraziun d'interiurs.
Ulteriuras infurmaziuns
Schweizerischer Theatermaler Verband
Opernhaus Zürich
Seerosenstr. 4
8008 Zürich
Tel: +41 44 268 65 67
URL: www.stmv.ch