Lavurs
Lur lavurs èn las suandantas:
Projects e prototips
- examinar las dumondas da la clientella a maun da dissegns, plans u models tridimensiunals
- elavurar in project ensemen cun il team dal biro tecnic
- rimnar las infurmaziuns necessarias per che l'object producì correspundia a las aspectativas da la clientella
- far ina glista cun las materialias e cun ils meds auxiliars, stimar il temp da producziun e calcular ils custs
- far in'offerta cumpletta cun dissegns generals e detagliads, datas tecnicas, pretsch e temp da furniziun
- producir las differentas parts d'in prototip, las metter ensemen e controllar la funcziunalitad
- crear ina instrucziun da diever che cuntegna las specificaziuns tecnicas e las mesiras da precauziun
Producziun industriala
- tscherner ed eventualmain producir urdains
- organisar la chadaina da producziun, programmar las maschinas regladas per computer e far tests
- controllar severamain la qualitad da las parts producidas, eliminar sbagls d'elavuraziun
- survegliar l'installaziun e reglar la prestaziun
- scolar il persunal da producziun
Montascha, installaziun e mantegniment
- studegiar il schema da montascha
- metter ensemen e francar las differentas parts d'ina maschina
- etablir las colliaziuns mecanicas, electricas u pneumaticas (regladas tras aria cumprimida) tranter ils differents elements, far tests cun l'apparat ed al prender en funcziun
- controllar, mantegnair e reparar las maschinas ed ils apparats en il lavuratori
Scolaziun
Durada
4 onns
Profil
Ins po tscherner tranter dus profils:
- profil G: pretensiuns elementaras
- profil E: pretensiuns extendidas
Furmaziun en la pratica
en in manaschi da l'industria da maschinas, d'electro e da metal (industria MEM)
Furmaziun en scola
1 fin 2 dis per emna
Furmaziun da scola a temp cumplain
Dapli infurmaziuns: berufsberatung.ch/schulen
Roms professiunals
- basas tecnicas: matematica, informatica, tecnica d'emprender e da lavur, fisica
- englais tecnic
- tecnica da material e da furmaziun
- tecnica da dissegn e da maschinas
- tecnica d'electronica e da regulaziun
- projects interdisciplinars
- furmaziun d'accent, p.ex. décolletage, microtecnica, eromobils u ascensurs
Curs ordaifer il manaschi
emprender la lavur pratica, approfundar ed exercitar las basas professiunalas, 54 dis durant ils emprims 2 onns
Maturitad professiunala
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Diplom
Polimecanist / Polimecanista AFQ
Premissas
Furmaziun preliminara
- terminà la scola obligatorica
Pretensiuns
- chapientscha tecnica
- interess per connexs tecnics e per mecanica
- chapientscha per connexs abstracts
- abilitad da s'imaginar objects en moda tridimensiunala
- mauns inschignaivels
- moda da lavurar exacta e conscienziusa
- abilitad da sa concentrar resp. pazienza e perseveranza
- abilitad da lavurar en in team
- fidadadad
Furmaziun supplementara
Curs
purschidas da scolas spezialisadas e da scolas professiunalas spezialisadas, da federaziuns professiunalas, da Swissmem e da Swissmechanic
Emprendissadi supplementar
Polimecanistas e polimecanists AFQ pon per regla far in emprendissadi scursanì sco constructur u constructura AFQ.
Examen professiunal (EP)
cun attestat professiunal federal, p.ex.:
- Spezialist / Spezialista da producziun
- Tecnicist / Tecnicista d'eromobils
- Spezialist / Spezialista d'automatica
- Commerziant tecnic / Commerzianta tecnica
Examen professiunal superiur (EPS)
p.ex. Manader / Manadra da producziun industriala dipl.
Scola spezialisada superiura (SSS)
studis en roms parentads, p.ex.:
- Tecnicist / Tecnicista da construcziun da maschinas SSS
- Tecnicist / Tecnicista da sistem SSS
- Tecnicist / Tecnicista da microtecnica SSS
Scola auta spezialisada (SAS)
studis en secturs parentads, p.ex. bachelor of science en:
- tecnica da maschinas
- mecatronica
- tecnica da sistems
- tecnica d'automobils e da vehichels
Tut tenor la scola auta spezialisada valan differentas cundiziuns d'admissiun.
Cundiziuns da lavur
Polimecanistas e polimecanists AFQ lavuran sulets u en pitschens teams. Ellas ed els collavuran en il biro tecnic principalmain cun tecnicists d'automatisaziun, cun mecanistas da producziun e cun constructurs industrials. Lur temps da lavur èn regulars. Engaschaments cun lavur da squadra èn dentant er pussaivels. A la lavur vegn purtada vestgadira da protecziun, sco per exempel guants u egliers da protecziun.
Polimecanistas e polimecanists lavuran cunzunt en manaschis da l'industria da maschinas, d'electro e da metal (branscha MEM). En manaschis pitschens pon questas persunas spezialisadas vegnir involvidas en l'entir process da producziun. En manaschis pli gronds fan ellas part d'in team spezialisà, per exempel da perscrutaziun e svilup, da producziun, da montascha u dal servetsch a la clientella. Grazia a lur vasta scolaziun pon ellas vegnir engaschadas per las lavurs las pli differentas. Perquai han ellas bunas schanzas sin il martgà da lavur.
Ulteriuras infurmaziuns
Swissmem Berufsbildung
8400 Winterthur
URL: www.swissmemberufsbildung.ch
Swissmechanic
8570 Weinfelden
URL: www.swissmechanic.ch