Lavurs
Els exequeschan suandantas lavurs:
Preparaziun da la lavur
- far offertas
- leger ni far sez dissegns tecnics e planisar la lavur
- preparar material (metal), far la marcaziun
Lavurs da serrer
- elavurar tolas, bischens e profils tar la furma dretga, tagliar cun resgias e forschs, storscher, glimar, furar, lutegiar, fresar
- enconuscher e far diever da differents materials (metals, materia sintetica) e spezials indrizs e guaffens
- glimar la bugliadira ed ils urs tagliants
- examinar la tocca da metal e tut tenor basegn far correcturas
- metter ensemen tocca da la carossaria e dals indrizs cun buglir u cun rebattadiras, struvas u cola
- installar indrizs supplementars sche giavischà da la clientella, p.ex. cranas e cupitgas, auzaders, portabagaschas
- exequir simplas installaziuns electricas
- enconuscher e far diever da las perscripziuns per la segirezza da lavur e la protecziun da l'ambient, dismetter u reciclar il rument en moda cumpetenta
Reparatura e mantegniment
- demontar sistems idraulics e pneumatics, examinar e puspè montar
- montar protecziun da corrusiun e far adattaziuns
- mantegnair il schassis e la carossaria
- far reparaturas en consequenza d'isada u accidents
Scolaziun
Basa legala
Ordinaziun federala 25-8-2009 (versiun dal 1-1-2018)
Durada
4 onns
Furmaziun en la pratica
En in manaschi da construcziun da vehichels u en in lavuratori da carossaria
Furmaziun en scola
1 di l'emna a la scola professiunala
Roms professiunals
- Basa tecnica (quints / fisica, electrotecnica, instrucziun da materials, proceders da fabricaziun)
- basas dal manaschi (teoria da manaschi, plaz da lavur, prescripziuns)
- tecnica da vehichels (electrica / electrotecnica, pneumatica, idraulica, propulsurs, dinamica da vehichels)
- fabricaziun e mantegniment (dissegn, bert, construcziun dal vehichel)
Curs ordaifer il manaschi
emprender ed exercitar en la pratica las basas professiunalas
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "serrer / serrera da vehichels AFQ"
Premissas
Furmaziun preliminara
- scola populara terminada
- fufragnadi cun test da qualificaziun
Pretensiuns
- grond inschign manual
- senn da visualisaziun spaziala
- forza corporala
- senn da responsabladad
- moda da lavurar exacta e conscienziusa
- abilitad da lavurar en ina gruppa
Furmaziun supplementara
Curs
Purschidas da scolas professiunalas e da l'Uniun svizra da la carossaria
Certificat da branscha
da lavuratori en il sectur da carossaria, spezialista da carossaria, direcziun speziala construcziun da vehichels
Examen professiunal (EP)
serrer / serrera da vehichels cun certificat professiunal federal, spezialist / spezialista cun certificat professiunal federal
Examen professiunal superiur (EPS)
Mainagestiun da carossaria diplomà / diplomada
Scola spezialisada superiura (SSS)
p.ex. tecnicist diplomà / tecnicista diplomada SSS construcziun da metal
Scola auta spezialisada (SAS)
p.ex. Bachelor of Science (SAS) en tecnica d’automobils. Tut tenor scola auta spezialisada valan differentas cundiziuns d'admissiun.
Spezialisaziun
sco expert / experta dal donn, furmaziun supplementara en ina cumpagnia d’assicuranzas
Cundiziuns da lavur
Serrers e serreras da vehichels lavuran en manaschis da carossaria e da la construcziun da vehichels, sporadicamain er en manaschis che construeschan telecabinas. I sa tracta per la pli gronda part da manaschis pitschens u mesauns che produceschan e repareschan vehichels per il transport commerzial da persunas e da vitgira. Els èn fitg dumandads sin la fiera da lavur. Las cundiziuns d'engaschament èn regladas tras il contract collectiv da lavur.
Ulteriuras infurmaziuns
carosserie suisse
Forstackerstr. 2B
4800 Zofingen
Tel: +41 62 745 90 80
URL: www.carrosseriesuisse.ch