Lavurs
Els exequeschan suandantas lavurs:
Preparaziun da la lavur
- planisar l'andament da la lavur
- pinar e segirar ils plazs da lavur
- scriver rapports
Montascha
- pinar conducts da bischen e las parts (cumponentas) correspundentas e tagliar bischens d'arom ed atschal sche necessari
- montar ils conducts da bischens e las cumponentas
- colliar ils conducts da bischens e las cumponentas
- controllar la colliaziun da las lingias electricas dal indriz tenor schema
- examinar la resistenza a la cumpressiun e da l'isolaziun ermetica
- svidar ils sistems da sfradentar ed emplenir els cun las substanzas necessarias
- controllar las parts singulas ed endrizzar ils indrizs
- manar tras la controlla da funcziun da l'indriz e protocollar la messa en funcziun
- demontar e remplazzar vegls sistems da sfradentar tar la clientella sche necessari
- dismetter conducts da bischens vegls, cumponentas isadas e substanzas da sfradentar adattà a l'ambient
lavurs finalas e currentas
- enconuscher ed eliminar disturbis dal sistem da sfradentar
- mantegnair sistems da sfradentar da la clientella
- mantegnair mantegnair ils indrizs, il guaffens e las maschinas
- dismetter ils ruments dal emballadi e dals plazzas e las substanzas da sfradentar adattà a l'ambient
- enconuscher e resguardar las prescripziuns davart la segirezza da la lavur, la protecziun da la sanadad e la protecziun da l’ambient
Scolaziun
Basa legala
Ordinaziun federala 4-11-2011
Durada
4 onns
Accents
- indrizs da sfradentar per manaschis
- indrizs da climatisaziun
- indrizs da sfradentar per l'industria
- indrizs da pumpa a chalur
Furmaziun en la pratica
En in manaschi da la branscha d’indrizs da sfradentar, d’aria cundiziunada u da pumpas a chalur
Furmaziun en scola
1 di l'emna a la scola professiunala gibb a Berna
Roms professiunals
preparar e terminar lavurs, construir conducts da bischens e montar cumponentas; installar, regular e dismetter indrizs da sfradentar; demontar e dismetter indrizs da sfradentar
Curs ordaifer il manaschi
Introducziun, basa e profundaziun en la montascha, electrotecnica, gas liquid/substanzas da sfradentar inflammablas e basa da la hidraulica
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "montader / montadra d’indrizs da sfradentar AFQ"
Premissas
Furmaziun preliminara
- scola populara terminada
- bunas prestaziuns en matematica e fisica
Pretensiuns
- inschign manual
- enclegientscha pratica
- enclegientscha tecnica
- sanadad robusta e movibladad corporala
- autonomia ed abilitad d’organisar
- abilitad da lavurar en in team
- interess da process fisicals
Furmaziun supplementara
Curs
purschidas da l'Uniun svizra per la frigotecnica SVK, da scolas professiunalas e spezialisadas sco er manaschis da furniziun da la branscha per la frigotecnica
Furmaziun da basa scursanida
en ina professiun parentada, p.ex. planisader d’indrizs da sfradentar AFQ
Examen professiunal (EP)
schefmontadra d’indrizs da sfradentar cun certificat professiunal federal, manader da project tecnica d’edifizis cun certificat professiunal federal, cussegliadra energetica edifizis cun certificat professiunal federal
Scola spezialisada superiura (SSS)
tecnicist diplomà / tecnicista diplomada SSS tecnica d’edifizis
Scola auta spezialisada (SAS)
Bachelor of Science (SAS) en tecnica d’edifizis. Tut tenor scola auta spezialisada valan differentas cundiziuns d'admissiun.
Cundiziuns da lavur
Indrizs da sfradentar sa chattan en butias, mazlarias, pasternarias, restaurants , manaschis da l'industria, ospitals, labors da perscrutaziun, centers da calculaziun, patineras artifizialas ed en chasas d'abitar ed edifizis da mastergn. Montaders e montadras d’indrizs da sfradentar lavuran en in manaschi da la branscha d’indrizs da sfradentar. I sa tracta oravant tut da manaschis pitschens e mesauns cun ca. 10 collavuraturs. Ulteriuras plazzas porschan firmas industrialas e commerzialas, nua che montaders e montadras d’indrizs da sfradentar lavuran en il servetsch extern, en la vendita u sco disponents.
Ulteriuras infurmaziuns
Uniun svizra per la frigotecnica SVK
Secretariat
Eichistr. 1
6055 Alpnach Dorf
Tel: +41 41 670 30 45
URL: www.cooler-job.ch