Lavurs
Els exequeschan suandantas lavurs:
Accent creaziun
- sviluppar ideas e concepts per la decoraziun da vitrinas, stanzas da vendita ed administraziun, stans da fiera e fatschadas
- realisar ideas e far plans cun agid da software correspundenta
- preschentar als incumbensaders las ideas dals concepts
- surpigliar e realisar giavischs per midadas
- far skizzas, plans, fotomontaschas, models e prototips e furnir las datas digitalas latiers
Accent realisaziun
- elavurar plans e visualisaziuns
- elavurar elements da creaziun ord materials sco textilias, laina, material sintetic
- planisar ils pass da lavur, procurar per il material necessari e crear prototips tenor basegn
- montar, demontar ils elements creativs
Accent styling
- realisar la promoziun da vendita visuala en ils negozis gronds
- inscenar e preschentar ils products e servetschs a moda visuala
- resguardar las directivas da tschertas marcas u da l'atgna partiziun da marketing
- plitost darar: inscenar exponats en museums confurm als basegns da las medias
Scolaziun
Basa legala
Ordinaziun federala 13-8-2009 (versiun dals 1-1-2018)
Durada
4 onns
Accents
- creaziun
- realisaziun
- stil
Furmaziun en la pratica
En agenturas 3D, ateliers, gronds negozis, fatschentas spezialisadas e firmas che construeschan stans
Furmaziun en scola
1½ dis l'emna a la scola professiunala
Roms professiunals
- creaziun e planisaziun
- realisaziun e finiziun
- segirtad da lavur
- protecziun da la sanadad, da l'ambient e d'incendis
Curs ordaifer il manaschi
Davart differents temas
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Furmaziun en scola a temp cumplain
Scolaziun da 4 onns (incl. praticum) a las scolas professiunalas a Vevey, Genevra e Lugano.
Diplom
Attestat federal da qualificaziun "polidesigner / polidesignra 3D AFQ"
Premissas
Furmaziun preliminara
- scola populara terminada, stgalim da scola mez u il pli aut
- bunas prestaziuns en dissegn
- bunas prestaziuns en tudestg
Pretensiuns
- inschign manual
- dun per dissegnar e crear
- fitg buna imaginaziun dal spazi
- bun dun da s'exprimer en scrit
- sentiment per colurs e furmas
- creativitad, fantasia e dun d'improvisar
- movibladad corporala
- plaschair da lavurar en in team
- attent als trends
Furmaziun supplementara
Curs
purschidas da scolas d'art applitgà, purschidas da la Swiss Association Polydesign 3D e da scolas spezialisadas en Germania
Examen professiunal (EP)
creader en l'artisanat cun certificat professiunal federal;
colurista cun certificat professiunal federal
Scola spezialisada superiura (SSS)
creader dipl. SSS design da products;
creadra dipl. SSS art figuratir;
creader dipl. SSS communicaziun visuala
Scola auta spezialisada (SAS)
studis en champs spezials parentads, p.ex. Bachelor of Arts (SAS) en architectura d'interiurs, en communicaziun visuala u en design industrial. Tut tenor scola auta spezialisada valan differentas cundiziuns d'admissiun.
Cundiziuns da lavur
Ina plazza da lavur chattan polidesigners 3D en agenturas creativas, ateliers, gronds negozis, fatschentas spezialisadas ed interpresas che construeschan stans. Las uras da lavur correspundan en general a las uras d'avertura dal negozi. Tut tenor lieu da lavur ston ils polidesigners 3D era lavurar la saira e durant las fins d'emna, p.ex. per construir stans.
Per motivs da squitsch da termins ston els savens lavurar a temp irregular. Las dumondas da plazzas d'emprendissadi surpassan lunschora la purschida. Per chattar ina plazza d'emprendissadi ston ins pia s'engaschar correspundentamain.
Ulteriuras infurmaziuns
Swiss Association Polydesign 3D
8000 Turitg
Tel: +41 44 261 51 14
URL: www.polydesign3d.ch