Lavurs
Gravaders e gravadras concepeschan e creeschan ornaments, inscripziuns e squitschs sin differents objects, sco per exempel sin bischutaria, uras, medaglias u tavlas. Latiers lavuran els cun metals sco atschal, aur, argient, mesch, arom e zin. Quels materials elavuran els a maun u cun guaffens e maschinas.
Els exequeschan suandantas lavurs:
Elavurar concepts
- cussegliar la clientella en connex cun stil e furmas da musters, ornaments e scrittiras
- crear differentas propostas e las discutar cun la clientella
- lavurar, sche giavischà da la clientella, tenor in muster specific
- far prototips, quai vul dir: producir in model simplifitgà per mirar sche tut po vegnir fatg sco planisà
Preparar elements
- preparar objects che vegnan engravads, per exempel uras u tocca da bischutaria
- preparar differents guaffens sco cisel e stgalper
- producir u adattar guaffens tenor basegn, per exempel entras resgiar, furar glimar
- transferir dissegns e texts dal muster sin l’object, per exempel vopnas, inizialas u scrittiras artisticas
- far, sche necessari, dissegns da CAD (Computer-Aided Design) al computer
- far schablonas a maun e producir quellas silsuenter en atschal
Far gravuras
- fixar objects en la maschina per ch’els na sa glischnan durant l’elavuraziun
- engravar a maun musters e texts sin ils objects
- squitschar musters cun agid da schablonas, per exempel tar la producziun da medaglias e munaida
- duvrar maschinas e guaffens manischads dal computer per engravar objects, per exempel maschinas da CNC (Computer Numerical Control) u maschinas da laser
- eleger la maschina adattada per il material che vegn duvrads
- far differentas configuraziuns, per exempel la spertadad e la profunditad dal tagl
- colurar las gravuras cun colur sin giavisch
Scolaziun
Durada
4 onns
Furmaziun en la pratica
En in atelier d’engravar u en in manaschi industrial
Furmaziun en scola
1 di per emna a la scola professiunala
Roms professiunals
- concepir e crear gravuras
- tecnicas da gravura e fabricaziun
- segirezza da la lavur, protecziun da la sanadad e da l’ambient
Curs ordaifer il manaschi
Emprender ed exercitar a moda pratica la basa professiunala, 16 dis durant 4 onns
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Gravader / Gravadra AFQ
Premissas
Furmaziun preliminara
- temp da scola obligatoric terminà
Pretensiuns
- inschign manual
- enclegientscha tecnica
- imaginaziun spaziala
- talent da dissegn
- senn per furmas e scrittiras
- lavurar exactamain
- autonomia
- buna vesida
Furmaziun supplementara
Curs
purschidas da scolas d’art applitgà e da scolas professiunalas sco era dal l’Associaziun svizra da gravaders
Scola spezialisada superiura (SSS)
curs da furmaziun en differents champs spezials, p.ex. creader diplomà / creadra diplomada SSS design da products
Scola auta spezialisada (SAS)
percurs da studis en secturs parentads, p.ex. Bachelor of Arts (SAS) en design da products e d’industria. Tut tenor scola auta spezialisada valan differentas cundiziuns d’admissiun.
Cundiziuns da lavur
Gravaders e gravadras lavuran en manaschis pitschens fin mesauns. Els lavuran savens en l’industria dad uras, per part era en manaschis industrials, p er exempel en il sectur da construcziun da furmas e d’utensils. Il svilup da novs materials sco era las midadas tecnologicas han midà la professiun. La lavur artisanala è dentant anc adina impurtanta.
La fundaziun d’in agen manaschi è pussaivla, pretenda dentant bler iniziativa. Bunas perspectivas professiunalas dat i cunzunt en la producziun artisanala da luxus, per exempel dad uras u en la producziun en serias industriala.