Lavurs
Chanastreras e chanastrers entretschan, reparan e restaureschan rauba da cuditschas or da salesch, rattan ed auters materials. Ultra da quai reparan els canapés e pultrunas cun elements entretschads e produceschan elements da construcziun entretschads per chasa e curtin. Els lavuran tenor lur atgnas ideas u exequeschan giavischs da lur clientella.
Els exequeschan suandantas lavurs:
Preparar lavurs
- retschaiver dumondas e cussegliar la clientella
- calcular il temp da lavur ed il material che vegn duvrà e far offertas
- eleger ed empustar material, examinar la qualitad ed al deponer correctamain per ch’el saja per exempel protegì da parasits
- far stim tar l’elecziun dal materials ch’els sajan favuraivels e persistents
- coordinar ils differents pass da lavur e far la planisaziun dal temp
- preparar il plaz da lavur
Producir l’entretschada
- determinar il material e la tecnica d’entretschar sco er il gener dal colliament e la fixaziun
- duvrar meds d’agid sco schablonas e furmas sche necessari
- producir tut tenor entretschada ina structura da lain per entretschar enturn quella
- entretschar ils objects a maun e duvrar sche necessari guaffens sco cuntels, furaders, resgias u siblas
- entretschar elements en ils object u fixar entretschadas vid las mobiglias, sco surfatschas da seser vid sutgas
- producir objects sco chanasters entretschai dil tutta fatg
- surtrair objects finids tenor basegn per ch’els sajan per exempel resistents a l’aura
- reparar u restaurar objects sin dumonda, per exempel colliaments ruts
- planisar la furniziun dals objects u producir els al lieu, per exempel tar saivs u installaziuns en curtin
Vender products
- preschentar e vender atgnas creaziuns en fatschenta, en vitrinas, online u sin fieras
- far reclama per ils products, per exempel sin l’atgna pagina da web
- prender part dad occurrenzas u publicaziuns
- far lavurs administrativas, per exempel manar la contabilitad
Scolaziun
Durada
3 onns
Furmaziun en la pratica
En in atelier d’entretschar, en in instituziun u in lavuratori assistì
Furmaziun en scola
A la Scola da sculptura da lain a Brienz/BE (4 blocs à 2 emnas per onn d’emprendissadi)
Roms professiunals
- incumbensa: contact cun clientella ed assistenza, material da fabricaziun, AVOR, lavurs creativas
- administraziun: calculaziun, marketing, documentaziuns
- fabricaziun: istorgia, segirezza da la lavur / sanadad, iseglia, preparar materials da fabricaziun, meds d’agid, entretschar, fabritgar curunas, reparaturas / restauraziuns, tractar surfatschas, lavurs cun materials spezials, montascha / furniziun
Curs ordaifer il manaschi
Emprender ed exercitar a moda pratica la basa professiunala, 16 dis durant 3 onns
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Chanastrer / Chanastrera AFQ
Premissas
Furmaziun preliminara
- temp da scola obligatoric terminà
Pretensiuns
- senn per art applitgà, furmas e proporziuns
- inschign manual, movibilitad da la detta
- mauns ferms
- bun egl
- senn per lavurar bain, a moda netta ed exacta
- perseveranza
Furmaziun supplementara
Curs
purschidas da scolas spezialisadas e professiunalas, da scolas per art applitgà, da la Cuminanza d’interess tessaria da chanasters Svizra IGK sco era da la Cuminanza d'interess artisanadi en lain IGKH
Scola auta spezialisada (SAS)
studis en direcziuns spezialisadas parentadas, p.ex. Bachelor of Arts (SAS) en intermediaziun d'art e design u Bachelor of Arts (SAS) en design da products e design industrial, u en design da products ed industria. Tut tenor scola auta spezialisada valan differentas cundiziuns d’admissiun.
A l’exteriur
- Staatliche Berufsfachschule für Flechtwerkgestaltung a Lichtenfels/D (scolaziun sco maister chanastrer / maistra chanastrera)
- Ecole nationale d'Osiériculture et de Vannerie a Fayl-Billot/F (curs)
Cundiziuns da lavur
Chanastreras e chanastrers lavuran pel pli en l’agen atelier u èn engaschads sco manaders da lavuratori en instituziun, chasas u praschuns. Tut tenor projects lavura la glieud da professiun ensemen cun autras chanastreras sco er cun spezialists da lain sco scrinaris u lainarias. La gronda part da lur lavur fan els enten seser e dovran latiers mo lur mauns. Lur lavur pretenda auta concentraziun. Sco manadras da lavuratori é la glieud da professiun cunzunt responsabla per la surveglianza ed exequescha mo paucas lavurs d’entretschar.
En Svizra èsi fitg grev da chattar ina plazza d’emprendissadi. Er suenter l’emprendissadi datti mo pauca pussaivladads. Blera glieud da professiun che lavura independentamain, exequescha anc autras lavurs e mainan per exempel in affar da rauba da cuditscha u dattan curs.
La professiun artisanala pretenda blera experientscha ed il svilup cuntinuà da las atgnas abilitads. Sin fundament da la concurrenza tras products industrials producids bunmartgà sto la glieud da professiun esser fitg flexibla e sa cumprovar sin il martgà cun tocs unic, originals, fatgs tenor mesira e d’auta qualitad.
Ulteriuras infurmaziuns
Cuminanza d’interess tessaria da chanasters Svizra IGK
3855 Brienz
URL: www.korbflechten.ch
Cuminanza d'interess artisanadi da lain IGKH
3855 Brienz BE
URL: www.kunsthandwerk-holz.ch
Scola per sculptura da lain
3855 Brienz BE
URL: www.holzbildhauerei.ch