Lavurs
Coiffeurs e coiffeusas AFP exequeschan suandantas lavurs:
Beneventar la clientella
- beneventar ils clients, als plazzar en in lieu liber e s'infurmar davart lur giavischs
- cussegliar la clientella tar la tscherna d’ina frisura e la colur adattada al tip
- esser al current pertutgant peruccas e pussaivladads d’agiuntar chavels
- communitgar segir ed orientà a la clientella durant la cussegliaziun e vendita
Tagliar, tgirar e frisar chavels
- lavar l’emprim ils chavels da la clientella cun in product da tgira che va a prà cun ils chavels e cun la pel dal chau
- tagliar ils chavels cun differentas tecnicas da tagliar: tagliar orizontalmain, diagonalmain, far stgalims ed effilar
- tagliar barbas e conturas
- colurar e sblatgir ils chavels cun meds chemics e survegliar exactamain il temp d’agir tar ina midada da la colur dals chavels
- far permanentas, toupar, stender, ondular u tschurrar ils chavels
- sientar ils chavels cun il favugn e cun il barschun u papigliottas e dar la furma giavischada
- far si chavels per occasiuns spezialas cun differentas tecnicas per chavels lungs e fermar ils chavels
- dar si products da finish e mussar a la clienta il resultat cun il spievel
Tgirar la fatschenta ed il material
- tegnair net lur plaz e conturn da lavur
- procurar per in'atmosfera agreabla en fatschenta
- dischinfectar tenor basegn ils utensils da lavur sco forschs, apparats cun nizzas e barschuns
- resguardar las prescripziuns en connex cun la segirezza da la lavur e l’igiena ed evitar accidents e donns da material
- guardar d’avair ina buna posiziun da lavur durant la lavur, per ch’els na fetschian betg donn al corp
Scolaziun
Durada
3 onns
Furmaziun en la pratica
En ina fatschenta da coiffeur u en ina scola professiunala privata. I sto vegnir sclerì tar las scolas spezialisadas, schebain la scolaziun vegn terminada cun in attestat federal da qualificaziun.
Furmaziun en scola
1 di per emna a la scola professiunala
Roms professiunals
- s’occupar da clientas e clients cussegliar e vender
- tractar e tgirar la pel dal chau ed ils chavels
- tagliar, midadas da colur e dar ina furma permanenta als chavels
- crear frisuras
- organisar e tgirar il conturn da lavur garantir la segirezza da la lavur
- segirar la protecziun da la sanadad e da l’ambient
Curs ordaifer il manaschi
Emprender ed exercitar a moda pratica la basa professiunala (12-14 dis durant 3 onns)
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "coiffeur / coiffeusa AFQ"
Premissas
Furmaziun preliminara
- temp da scola obligatoric terminà
Pretensiuns
- persuna inschignaivla, sensibilitad
- interess vi da bellezza e moda
- senn per furmas e colurs
- senn per nettezza ed igiena
- plaschair vi dal contact cun umans
- fitg buna abilitad da communitgar
- saun dies, sauns pes e mauns per la lavur en pe
- naginas allergias resp. nagina ipersensibilitad da la pel (utilisaziun da products, schampos e meds da tgira)
Furmaziun supplementara
Curs
purschidas dal Verband Schweizer Coiffeurgeschäfte coiffureSUISSE ina furmaziun supplementara permanenta è necessaria pervia da las tendenzas modernas che sa midan
Scolaziun supplementara
coiffeur / coiffeusa da teater, artist / artista da make-up
Examen professiunal (EP)
coiffeur / coiffeusa cun certificat federal da qualificaziun, visagist / visagista cun certificat federal
Examen professiunal superiur (EPS)
coiffeur / coiffeusa cun diplom federal
Cundiziuns da lavur
Per coiffeurs qualifitgads e coiffeusas qualifitgadas porscha la bursa da lavur bunas pussaivladads. Sco lieu d’acziun vegnan en dumonda sper fatschentas da coiffeur er televisiun e teater, cruscheras, centers d’attempads e da tgira u ospitals, nua che coiffeurs pon lavurar en atgna responsabladad.
Suenter la furmaziun correspundenta (examen professiunal superiur) datti la pussaivladad d’avrir in’atgna fatschenta.
Coiffeurs lavuran era las sondas e las sairas. La professiun è adattada per lavur a temp parzial.
Ulteriuras infurmaziuns
coiffureSUISSE
Verband Schweizer Coiffeurgeschäfte
3000 Bern 22
Tel: +41 31 332 79 42
URL: www.coiffuresuisse.ch