Lavurs
Els exequeschan suandantas lavurs:
Preparaziuns
- far ses studis davart ils plans dals architects ed inschigners
- mesirar surfatschas che ston vegnir cuvertas, p.ex. en stabiliments industrials, hallas da sport, edifizis da commerzi u stabiliments publics
- far la planisaziun da la lavur, calcular tenor incumbensa il material ch'i dovra
- transportar e deponer ils materials e las maschinas sin il plazzal
Construir palantschieus industrials e purtants
- marcar la surfatscha dal palantschieu e preparar il terren cun fresas e maschinas da glimar
- nettegiar il palantschieu, gulivar nua ch'i fa basegn ed al proteger cunter umiditad e schelira
- metter material per l'isolaziun termica e l'insonorisaziun, proteger las lingias (p.ex. lingias sanitaras e d'electricitad)
- preparar ils materials tenor las indicaziuns dals superiurs, p.ex. rascha, maulta, betun
- derscher material viscus u la maschaida da material sin ina surfatscha e reparter quel cun ina latta da planar u cun maschinas sin l’autezza giavischada
- glimar, gulivar e pulir ils palantschieus industrials
- preparar ils palantschieus da basa uschè che ulteriurs palantschieus pon vegnir mess sisur pli tard, p.ex. parchet, plattas da cheramica u tarpuns
- gidar da metter palantschieus spezials tut tenor basegn, p.ex. palantschieus antiglischnants, palantschieus ch'èn stabels cunter spezialas chemicalias u plazs da sports
- resguardar las prescripziuns per la protecziun da l’ambient, enconuscher las mesiras per la segirezza da lavur
- dismetter il rument adattà a l'ambient
- nettegiar e mantegnair las maschinas ed ils guaffens
Scolaziun
Basa legala
Ordinaziun federala 1-11-2013 (versiun dals 1-1-2018)
Durada
3 onns
Furmaziun en la pratica
En in manaschi che metta palantschieus industrials e da basa
Furmaziun en scola
Curs da bloc a la scola professiunala per constructurs da vias da traffic a Sursee: en media 9 emnas l'onn, da quai radund 2 emnas l'onn cun accent sin "construcziun da palantschieus industrials e da basa"
Roms professiunals
- organisar las lavurs e garantir la segirezza da lavur e da sanadad sco era la protecziun da l’ambient
- exequir lavurs generalas en la construcziun da vias da traffic
- exequir las lavurs per metter palantschieus da surchombras flottants e palantschieus industrials
Curs ordaifer il manaschi
Emprender ed exercitar las basas professiunalas a moda pratica
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "tschentapalantschieus industrials e purtants AFQ"
Premissas
Furmaziun preliminara
- temp da scola obligatoric terminà
Pretensiuns
- inschign manual
- encletga pratica
- fidadadad e perseveranza
- abilitad da lavurar en in team
- forza corporala
- sanadad robusta
Furmaziun supplementara
Curs
purschidas da scolas spezialisadas e professiunalas, da l’Associaziun PAVIDENSA e dal Campus Sursee
Scolaziun da basa scursanida
montadra da binaris AFQ;
sondader AFQ;
salaschadra AFQ;
constructur vias AFQ
Examen professiunal (EP)
maistra furadra dipl.;
poliera constructura da vias dipl.;
capolavurer mantegniment da las vias dipl.
Examen professiunal superiur (EPS)
manadra diplomada dipl.;
maister constructur dipl.
Scola spezialisada superiura (SSS)
tecnicista surveglianza da construcziun dipl. SSS;
tecnicist planisaziun da construcziun dipl. SSS
Scola auta spezialisada (SAS)
Bachelor of Science (SAS) en inschigneria da construcziun. Tut tenor scola auta spezialisada valan differentas cundiziuns d'admissiun.
Cundiziuns da lavur
Tschentapalantschieus industrials e purtants lavuran en manaschis che mettan palantschieus industrials e da basa. Lur lavur è fitg strapatschusa. Els cumenzan lur lavur la damaun marvegl e midan savens il lieu da lavur. Persunas dal fatg èn tschertgadas sin il martgà da lavur.
Ulteriuras infurmaziuns
Scola professiunala per constructurs da vias da traffic
Chascha postala
6210 Sursee
Tel: +41 41 922 26 26
URL: www.verkehrswegbauer.ch
PAVIDENSA Isolaziuns da surchombras Svizra
Seilerstr. 22
Chascha postala 5853
3001 Berna
Tel: +41 31 310 20 34
URL: www.pavidensa.ch