Lavurs
Lur lavurs èn las suandantas:
Preparar lavurs da construcziun
- leger ils plans da construcziun
- planisar ils pass da lavur ensemen cun la direcziun da construcziun
- endrizzar e segirar ils plazzals, p.ex. montar barrieras e tavlas da protecziun
- controllar e depositar il material furnì
- far skizzas per lavurs da construcziun
Realisar lavurs da construcziun
- preparar entuladas, p.ex. per fundaments, pitgas da sustegn u paraids
- construir elements da construcziun da maulta, far stuppadiras ed isolaziuns sco er lavurs da segirar e da rinforzar
- demontar elements da construcziun, p.ex. demolir paraids
- metter conducts, p.ex. per aua da spina, aua persa u gas
- construir mirs cun quadrels e cun maulta e controllar cun corda da mesirar e cun livel, sch'ils mirs èn gulivs
- preparar, cular ed elavurar betun a maun u cun maschinas
- renovar edifizis vegls u donnegiads
- dismetter ils ruments en moda ecologica e segira
Coordinar las lavurs da construcziun
- conceder simplas lavurs da construcziun en l'agen sectur da construcziun ad autras commembras ed auters commembers dal team
- nudar las lavurs da construcziun fatgas en rapports e discutar en il team
Scolaziun
Durada
3 onns
Furmaziun en la pratica
en ina interpresa da construcziun
Furmaziun en scola
1 di per emna en la scola professiunala spezialisada
Furmaziun da scola a temp cumplain
• Albisbrunn, Hausen am Albis (ZH)
• Centre d'orientation et de formation professionelles COFOP, Losanna (VD)
Dapli infurmaziuns: berufsberatung.ch/schulen
Cuntegn
- preparar las lavurs da construcziun attribuidas
- realisar las lavurs da construcziun attribuidas
- instruir e survegliar las lavurs da construcziun attribuidas
- communitgar e collavurar cun differentas gruppas en mira
Curs ordaifer il manaschi
emprender, approfundar ed exercitar las basas professiunalas, 72 dis durant 3 onns
Maturitad professiunala
sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Miradura / Miradur AFQ
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha pratica
- imaginaziun tridimensiunala
- buna sanadad
- agilitad corporala e forza
- senza sturnizi resp. nagina tema da las autezzas
- resistenza a l'aura
- abilitad da lavurar en in team
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da la Societad svizra dals impressaris constructurs, baumeister.swiss
Emprendissadi supplementar
Miraduras e miradurs AFQ pon per regla far in emprendissadi scursanì sco dissegnadra u dissegnader AFQ.
Examen professiunal (EP)
cun attestat professiunal federal, p.ex.:
• Polier / Poliera
• Controllader / Controlladra da material da construcziun
• Spezialist / Spezialista da protecziun d'edifizis
• Artisan / Artisana da tgira da monuments
Examen professiunal superiur (EPS)
p.ex. Maister constructur / Maistra constructura u Manader / Manadra da construcziun cun diplom federal
Scola spezialisada superiura (SSS)
Scolaziuns en secturs spezials parentads, p.ex. Tecnicist / Tecnicista en surveglianza da construcziun dipl. SSS ubain Tecnicist / Tecnicista en planisaziun da construcziun dipl. SSS
Scola auta spezialisada (SAS)
studis en secturs parentads, p.ex. bachelor of science en inschigneria da construcziun. Tut tenor la scola auta spezialisada valan differentas cundiziuns d'admissiun.
Cundiziuns da lavur
Miraduras e miradurs AFQ lavuran da tutt'aura or en il liber. La stad datti plitost dapli lavur che l'enviern. Per part lavuran ellas ed els en grondas autezzas. Durant la lavur portan las persunas da questa professiun in equipament da protecziun sco chalzers cun chapitsch d'atschal, chapellinas da protecziun e guants. Sin plazzals èn ellas part da teams che vegnan dirigids da manadras e manaders da construcziun.
Miraduras e miradurs AFQ lavuran en interpresas da construcziun da tuttas grondezzas. Cun las furmaziuns supplementaras correspundentas pon las persunas da questa professiun surpigliar posiziuns da responsabladad. Il martgà da lavur è fitg bun.
Ulteriuras infurmaziuns
Societad Svizra dals Impressaris-Constructurs SSIC
8042 Zürich
URL: www.baumeister.swiss