Lavurs
Els exequeschan suandantas lavurs:
Tgirar chavals e ponis
- pavlar, barschunar e stregliar ils chavals
- nettegiar ils chalzers-chavals e preparar ils chavals per il transport
- tgirar ils chavals blessads u malsauns tenor avis da la veterinaria
- percorscher sch'in chaval u in poni sa cumporta a moda nunusitada
- discurrer cun ils superiurs davart ils singuls pass da lavur e suandar las instrucziuns
Nettegiar ils stabiliments ed il material
- far urden en ils claus, scuar e rimnar la grascha dals chavals
- nettegiar il material, p.ex. las sellas, las chavazzinas, ils barschuns e las streglias
Observar las prescripziuns da l'animal e da l'ambient
- resguardar las prescripziuns da protecziun da l’animal e da l’ambient
- dismetter il rument tenor las prescripziuns
- far attenziun a l’atgna sanadad
- savair co reagir correctamain tar accidents u autras situaziuns da stress
Gidar durant l'instrucziun da chavaltgar
- savair ir a chaval (nivel simpel)
- gidar tar occurrenzas u durant las lecziuns da chavaltgar, p.ex. durant lonschar u durant lavurar sin il terren
- communitgar cun la clientella ed esser curtaschaivels
Scolaziun
Basa legala
Ordinaziun federala dals 4-11-2013 (versiun dals 1-1-2018)
Durada
2 onns
Furmaziun en la pratica
En in manaschi da ponis u/e da chavals
Furmaziun en scola
1 di per emna a la scola professiunala a Lindau, Zollikofen u Moudon
Roms professiunals
- garantir la segirtad e la protecziun da la sanadad da l’animal
- mantegniment da l’equipament e l’infrastructura
- pavlar e tgirar chavals
- cussegliar ed instruir clientella
- s'occupar dals chavals ed ils muventar
- s'occupar dal collegas da lavur sco era da la clientella
Curs ordaifer il manaschi
Approfundar las lavurs praticas ed exercitar la basa professiunala
Diplom
Attestat federal professiunal "tgirader / tgiradra da chavals AFP"
Premissas
Furmaziun preliminara
- temp da scola obligatoric terminà
- experientschas en la tgira da chavals èn d’avantatg
Pretensiuns
- buna relaziun cun chavals
- maun per lavurs praticas, dun manual
- sanadad robusta, p.ex. naginas allergias da fain e da pulvra
- forza corporala e movibladad, p.ex. bratscha, chommas e dies ferm per chavaltgar e nettegiar
- nagin disgust da merda, da spizza e d’excrements
- empatia e pazienza per la lavur cun animals gronds
- abilitad da lavurar en ina gruppa
- plaschair dal contact cun la clientella
Furmaziun supplementara
Curs
purschidas da scolas professiunalas, d’associaziuns e d’organisaziuns dal mund da lavur da mastergns che s’occupan cun chavals
Professiunal / Professiunala da chavals AFQ
Tgiraders / tgiradras da chavals AFP pon far ina scolaziun da basa scursanida sco spezialist / spezialista da chavals AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils spezialists / spezialistas da chavals AFQ.
Cundiziuns da lavur
Ils dis da lavur cumenzan fitg baud ed èn per ordinari lungs, irregulars e corporalmain stentus. Ils chavals ston era vegnir survegliads durant las fins d’emna e firads. Las stallas ston vegnir nettegiadas mintga di.
Il dumber da plazzas d’emprendissadi è creschida levamain ils ultims onns. Plazzas libras e pussaivladads da furmaziun supplementara èn però limitadas en questa professiun.