Lavurs
Assistents ed assistentas da dentist sustegnan dentistas durant la consultaziun ed il tractament dals pazients. Ultra da quai steriliseschan els ils instruments suenter il tractament, fan radiografias, beneventan pazients, èn responsabels per l’administraziun dals termins, da las actas e per tschentar quint.
Bainvegni
- beneventar ils pazients ed als manar en la stanza da spetga u directamain al sez da tractament.
- stgaffir in clima da confidenza
- manar discurs al telefon, valitar l’urgenza da la dumonda e fixar termins
Assistenza durant il tractament
- preparar ils instrument ed ils apparats per il tractament planisà
- assister las dentistas durant il tractament: tanscher ils instruments necessaris sco er il material per emplenir ils dents (cement, amalgam, cumposit) e furmar la massa d’impronta
- far radiografias tenor instrucziun, resguardar las prescripziuns pertutgant la protecziun cunter radiaziuns e mussar co il pazient sto tegnair il chau
- elavurar ils maletgs da radiografia che vegnan endatai en l’acta da la pazienta a moda analoga u digitala
Lavurs da nettegiar
- sterilisar ils instruments medicinals ed als metter davent suenter mintga tractament, dischinfectar la sutga da pazients e l’equipament
- far e tener urden en la pratica
- dismetter ils rufids a moda adattada a l’ambient
Lavurs administrativas
- tegnair a à jour las actas e resguardar latiers la protecziun da datas
- administrar medicaments, meds da lavar ora la bucca, cement per curunas ed ulteriurs utensils e far empustaziun necessaria
- s’occupar da la posta e far la cudeschaziun, p.ex. trametter offertas u far quints
Scolaziun
Durada
3 onns
Furmaziun en la pratica
En ina pratica da dentist u en ina clinica dentala
Furmaziun en scola
1 di per emna a la scola professiunala
Roms professiunals
- Realisar process da tractaments generals; assister tar tractaments spezials
- Realisar prescripziuns e mesiras d'igiena; tgira dals apparats e dals instruments
- Exequir diagnostica da maletgs, radiografia
- Accumpagnament da pazients e pazientas; far lavurs administrativas
Curs ordaifer il manaschi
Emprender ed exercitar las basa professiunala en la pratica. 10 dis durant 3 onns.
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "assistent / assistenta da dentist AFQ"
Premissas
Furmaziun preliminara
- temp da scola obligatoric terminà
Pretensiuns
- interess vi da temas da las scienzas natiralas
- plaschair vi dal contact cun carstgauns
- empatia
- mauns inschignaivels
- moda da lavurar fidaivla e conscienziusa
- buna sanadad (grevezza per las chommas ed il dies)
- nagina sensibilitad cunter chemicalias
- discreziun medicala
Furmaziun supplementara
Curs
purschidas da scolas professiunalas, da scolas dentalas e d’autras scolas da sanadad sco era d’associaziuns professiunalas e da fundaziuns, p.ex. sco instructur / instructura da tgira da dents per scolars (ITDS)
Diploms da la federaziun
assistenta profilactica,
administratur da pratica u secretaria medicinala
Scola spezialisada superiura
igienicher / igienicra dents dipl. SSS
Cundiziuns da lavur
Assistentas ed assistents da dentists lavuran stretgamain cun dentistas, tecnicists dentals u igienicras dentalas. Mintgatant fan els era lavur da scleriment e prevenziun cun cussegliar a tscherts pazients mesiras da basa en connex cun la igiena da bucca. Durant il tractament portan els adina in scussal ed in mascrina da protecziun, egliers e guants per sa proteger da risicos d’infecziun.
Las persunas da professiun lavuran en praticas da dentist ed en clinicas dentalas, policlinicas u instituziuns da la medischina. Ellas pon er lavurar tar in’assicuranza u ina firma che fa products da la medischina dentala. Tut tenor la plazza da lavur han ellas temps da lavur irregulars. Cas d’urgenzas u schabetgs nun prevedì pon manar tar dis da lavur pli lungs.
Ulteriuras infurmaziuns
Schweiz. Zahnärzte-Gesellschaft SSO
Presse- und Informationsdienst
3000 Bern 8
Tel: +41 31 310 20 80
URL: www.sso.ch
Schweiz. Verband der Dentalassistentinnen SVDA
Zentralsekretariat
6210 Sursee
Tel: +41 41 926 07 75
URL: www.www.svda.ch