Lavurs
Assistentas ed assistents da farmazia cusseglian e servan la clientella ed administreschan products farmaceutics ed autra rauba sco cosmetica. Els fan tractaments medicinals e liquideschan lavurs administrativas. Els guardan er, che las lavurs en l'apoteca procedian senza incaps.
Lur lavurs èn las suandantas:
Cussegliar la clientella e vender products
- eruir ils basegns da la clientella
- cussegliar la clientella areguard la prevenziun cunter malsognas ed areguard artitgels d'igiena, da tgira, da dieta, da cosmetica e da parfumaria
- vender medicaments che na pretendan betg in recept dal medi e dar infurmaziuns e cussegls
- chapir recepts medicals, preparar tenor ordinaziun medicala medicaments e meds auxiliars, sco apparats da mesirar il zutger dal sang, crutschas e rollaturs, e controllar il funcziunament da tals
-
laschar controllar ils medicaments d'ina apotecra, vender quests medicaments a la clientella e l'infurmar davart l'applicaziun, davart il dosagi e davart ils effects secundars
- lavurar a la cassa
Administrar products
- actualisar ils effectivs da products en il computer
- empustar medicaments ed auters products
- prender encunter furniziuns da medicaments e d'auters products pachetar or, controllar e metter en lur lieu ils medicaments e products furnids
- dismetter u trametter enavos ils medicaments e products betg pli vendibels
Provediment medicinal da pazientas
- eruir il stadi da sanadad ed ils sintoms da la clientella per far ina diagnosa
- far in provediment medicinal ed in tractament, sco dischinfectar in client sut la surveglianza da l'apotecher
- mesirar la pressiun dal sang ed il zutger dal sang ubain prender sang
Far lavurs administrativas
- actualisar datas da la clientella
- administrar recepts al computer
- scriver quints
- controllar midadas dals pretschs e datas da scadenza
- scriver quints, quittanzas e documents da furniziun
- formular brevs per dumondas e reclamaziuns
Scolaziun
Durada
3 onns
Furmaziun en la pratica
En in’apoteca
Furmaziun da scola
- 2 dis per emna durant il 1. onn en la scola professiunala spezialisada
- 1 di per emna durant il 2. e 3. onn
Cuntegns didactics
- cussegliar e servir la clientella
- consegnar medicaments, artitgels sanitars ed artitgels da sanadad ordinads
- far scleriments e tractaments medicinals
- administrar medicaments ed auters products
- organisar e liquidar lavurs administrativas
Curs intermanaschials
Emprender la lavur pratica, approfundar ed exercitar las basas professiunalas, 15 dis durant 3 onns
Maturitad professiunala
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun fundamentala.
Diplom
Assistent / Assistenta da farmazia AFQ
Premissas
Furmaziun preliminara
- terminà scola obligatorica
Pretensiuns
- interess vi da connexs da las scien-zas natiralas e vi da dumondas da-vart la sanadad
- plaschair dal contact cun umans
- sensibilitad ed empatia
- prontezza da prestar servetschs
- gronda fidadadad
- enconuschientschas da linguas estras èn d'avantatg
- senn per igiena
- senn per urden
Furmaziun supplementara
Curs
purschidas da las uniuns chantunalas dals apotechers e da pharmaSuisse
Scolaziuns professiunalas spezialisadas
cussegliader/-dra farmaceutic/-a SHQA
Examen professiunal (EP)
- assistent/-a da manaschi en farmazia
- spezialist/-a en farmazia
- spezialist/-a da commerzi en detagl
- spezialist/-a d'acquisiziun
- spezialist/-a da vendita
Examen professiunal superiur (EPS)
- naturopat/-a dipl.
- manager/-gra da commerzi en detagl dipl.
- manader/-dra d'acquisiziun dipl.
- manader/-dra da vendita dipl.
Scola spezialisada superiura (SSS)
p.ex. droghist / droghista dipl. SSS
Scola auta spezialisada (SAS)
Bachelor of science (SAS) en biotecnologia, en tecnologias da life science, en economia da manaschi e.u.v. Tut tenor la scola auta spezialisada valan differentas cundiziuns d'admissiun.
Cundiziuns da lavur
La gronda part da las assistentas e dals assistents da farmazia lavuran en apotecas independentas u en talas che appartegnan ad ina chadaina. Auters lavuran en apotecas d'ospitals u tar grossists da farmazia, nua ch'els administreschan e vendan millis da products. En las partiziuns da prestaziuns da las assicuranzas controlleschan els ils quints dals medis, dals ospitals, da las fisioterapeutas e d'auters terapeuts, quai ch'è plitost ina incumbensa administrativa cumpareglià cun la lavur en in'apoteca. Intgins vendan products farmaceutics ad instituziuns da sanadad, ad apotecas privatas ed a chadainas d'apotecas.
Assistentas ed assistents da farmazia lavuran savens en pitschens teams che consistan d'apotecras, da persunas en scolaziun e da praticants da las universitads. Intginas apotecas fan servetsch da pichet ed han perquai temporarmain uras d'avertura pli lungas.
Ulteriuras infurmaziuns
pharmaSuisse
Schweiz. ApothekerverbandSocietad svizra dals apotechers
3097 Liebefeld
URL: www.pharmasuisse.org